ALIMENTACIÓN CONSENSO nace da conexión entre Xosé
Luis Carreira de Arqueixal e Lucas
Requejo da Iniciativa Prato_Do. Unindo forzas e coa axuda de xente achegada están a poñer en marcha este
evento, unha reunión que nace coa pretensión de
servir de altavoz á xente que acumula un alto coñecemento sobre alimentación, e
cómo ésta incide de xeito directo sobre un mesmo e sobre o noso entorno.
A xornada comezará ás 17:00 h co coloquio sobre
alimentación, moderado por Clara Raposo,
Socia fundadora de A Cova da Terra.
Nel Clara plantexaralles ós protagonistas, Teresa de Betote, Oliverio de Castro
de Rei e Xusto de Seixas varios bloques relacionados coa alimentación,
resaltando as características máis importantes do seu modo de alimentarse, cómo
chegaron a asumir a responsabilidade de preocuparse pola súa alimentación, qué
beneficios obteñen gracias a esta implicación e con qué dificultades se
atoparon ó intentar levala a cabo.
Ás 19:00 h pasarase da escoita á acción e poderemos aprender de xeito
práctico algúns consellos que nos teñen para dar os nosos protagonistas.
Teresa de Betote acumula unha gran experiencia na aplicación de
todo tipo de remedios caseiros para os nosos males superficiais, así que por
qué non abrir un consultorio onde lle podamos preguntar directamente sobre a
solución a estes males.
Oliverio de Castro de Rei leva anos adicados a mellorar a práctica
da respiración profunda e sabe da súa importancia para mellorar o noso día a
día. Intentará acercarnos de xeito práctico a algo tan complexo como necesario
e así poder poñer en práctica nas nosas vidas e comprobar a súa influencia.
Xusto de Seixas ós seus 82 anos e facendo unha hora diaria de
exercicios de flexibilidade, posúe a claridade suficiente para transmitirnos
qué exercicios son os adecuados para eliminar as dores de espalda das nosas
vidas e así correxir a nosa postura corporal.
Ás 20:00 h será momento para que Lucas Requejo presente a “Iniciativa
Prato_do”. Nesta presentación fará unha breve explicación do concepto Tapería
Responsable Itinerante e cómo acadan as tapas saudables para un prato
totalmente equilibrado nutricionalmente. Entendido esto, podremos disfrutar do “menú armonía d´a Ulloa”.
O “menú armonía d´a Ulloa” consta de tres
partes ben diferenciadas dentro dun mesmo prato, pero en conxunto son o
equilibrio nutricional perseguido por Prato_do.
Menú armonía d´a Ulloa = A Horta + o
Amanteigado + a Callada.
# A Horta é a
representación do consenso entre os protagonistas do día e Prato_do.
# O Amanteigado contén
como componente principal o queixo amanteigado de Arqueixal acompañado de máis
produtos para acadar o equilibrio.
# A Callada representa o
xeito habitual de tomar o leite callado ou iogur na Galicia rural.
O propósito desta paparota
non é outro que aprender probando, pero sobre todo divertíndose, así que a
amenización correrá a cargo de “Hortensio
Home Orquestra” de Viveiro. Hortensio Gómez é un gran afeccionado á música e
á vida no rural, e devece polo espectáculo de home-orquestra, polo ritmo e
porque lle permite tocar con varias partes do corpo, pero por enriba de todo
está o seu afán por divertir e entreter á xente.
